احدث طرق تنسيقات الزهور

اجمل لفات الطرح

مظهر الانسان من اهم العناصر الي بتخلينا نحكم عليه وانا مش هطول عليكم و هدخل على طول في الموضوع اول حاجه لازم ناخد بالنا منها و احنا بنكون اي طقم اول حاجه بشوفها الموديل وهل هيناسبني ولا لأ, انا بختار اختار الموديل الي ينااسبني و ميظهرش عيوب جسمي مثلا لو كنتي ارفع في الجزء العلوي من جسمك عن السفلي, عليكي انك تحاولي تلبسي لون فاتح من فوق ولون غامق من تحت , و ان كان عندك عيوب او زياده في منطقه البطن عليكي انك تلبسي حاجه تكون واسعه في المنطقه ده يبق متفقين اولا الموديل الي يناسبنك

ثانيا الالوان عليكي انك تشوفي الالون الي تليق عليكي ,و كمان طبعا تليق على بعضها,لازم تعرفي ان في الوان حياديه تليق على معظم الالوان ولازم تكون في دولابك وهي الاسود,البني,الكحلي,البيج والابيض اما باقي الالوان فانتي وزوقك طبعا تقدري تختاري الوان تكون هاديه و رقيقه زي اللبني و الروز او تكوني جريئه و صريحه وتختاري الوان صريحه زي الأحمر و الاخضر و البرتقالي خليكي جريئه وجربي دايما الالوان مع بعض و متحصريش نفسك في لون او اتنين جربي كل الوان لان اكيد كل لون بيديكي شكل جديد وتنوع

ثالثا اشوف بعد كده مكملات الطقم زي شنطه او الشوز طبعا براعي الالوان كمان, حاولي لما تشتري اي حاجه دايما اختاري قطعه مميزه حاولي تبعدي على الموديلات المتكرره لان القطعه المميزه بتديكي تميز واختلاف

رابعا الاكسسوارات بكرر لازم تختاري قطع مميزه وحاولي دايما تكوني بسيطه لان كتر الاكسسوري بيدي بهرجه وكل ما كانت بسيطه كانت احلى

خامسا الميكب وبجد كل مكنتي ابسط كل مكنتي اجمل حاولي تنقي الوان تليق مع بعض و تليق عليكي ومش عيب انك متحطيش ميكب لان فعلا في ناس مش بيليق عليها لان اهم حاجه انك تكوني مرتاحه وواثقه بنفسك

و اخيرا وليس اخرا ده حاجات بسيطه لشياكتك و اكيد هنتقابل تاني واي سؤال تحبي تسالسه سيبيه في التعليق واكييييييييييييد هرد على كل الطلبات.........................................